Dei grensesprengjande filmskaparane Svend Wam og Petter Vennerød utvida grensene for kva det norske kinolerretet kunne tillate seg av sylskarp samfunnskritikk, nyskapande mangfald og hemningslause nakenscener. Ikoniske sitat frå filmane deira lever vidare i populærkulturen i dag, som «Snurp igjen smella di, du maser jo som et lokomotiv!» I Den siste filmen vil Petter Vennerød ta publikum med på ei siste filmreise, men det hastar. Han har fått Parkinson, og Petter har begrensa med tid før ord og tankar forsvinn. Med hjelp frå kona Karianne deler han ope frå eige sjukdomsforløp. Samtidig reflekterer han over ei lang karriere som ein filmskapar som «sparka i alle retningar» medan han kjempa for alle som sto utanfor. Gjennom unikt arkivmateriale, energiske glimt frå Wam og Vennerød-filmane og personlege opptak, møter me kjærleik til livet, til mennesket og til filmforteljinga. Den siste filmen er ein rørande og livsbejaende dokumentar som Petter Vennerød ikkje fekk fullføre sjølv. Filmen er fullført i regi av kona Karianne Førland Vennerød og Olaug Spissøy Kyvik.