Odd Isungset (f. 1955) er journalist og forfattar. Han har tidlegare vore redaktør i Brennpunkt og Dokument 2, og fått fleire prisar for arbeidet sitt.
Han er no aktuell med ei bok om karikaturstriden. 
4. februar 2006 vart Norges ambassade i Syria brent ned av rasande demonstrantar. To dagar seinare skaut norske soldatar mot ei trugande folkemengd i Afghanistan. Demonstrantane hevda at dei protesterte mot karikaturar av profeten Muhammed. Men er det sant at uroa var skulda såra religiøse kjensler utløyst av nokre teikningar i eit land langt borte?
I foredraget får me høyre om korleis religiøse og politiske makthavarar i Egypt, Syria, Iran og Qatar brukte karikaturstriden for å sikre eiga makt.
I arbeidet med boka har Isungset fått tilgang til fortruleg kommunikasjon mellom Utanriksdepartementet og dei norske ambassadane då krisa råka, og han har nytta dokumentasjon som ikkje tidlegare har vore kjent. 20 år etter at teikningane fyrst vart publiserte, får me ei ny forståing av saka og av kven som har ansvaret for at situasjonen spann ut av kontroll.