I Full Dekning møtest ein vennegjeng med partnarar til den årlege viltmiddagen sin, men akkurat denne kvelden skal utvikle seg i ein retning ingen av dei hadde sett for seg, og ingen vil gløyme. Det startar som en uskuldig selskapsleik der alle legg telefonen sin på bordet, slik at innkomande meldingar og anrop er felles eige resten av kvelden. Det tek ikkje lang tid før den fyrste, avslørande meldinga tikkar inn. Før kvelden er over skal både pinlege løgner og små og store løyndomar om vennskap, kjærleik og samliv fram i lyset. For kor godt kjenner dei kvarandre eigentleg? Og vil noko nokon gong bli som før?