To av våre aller fremste folkemusikarar møtast for fyrste gong til konsert, og vi er så heldige at det skjer akkurat her på Ål, ein julikveld i låven på Tolleivsgarden! 

Sinikka Langeland frå Grue Finnskog har gjennom ei lang og innhaldsrik karriere skapt si heilt eiga musikalske verd. Trakteringa av det finske nasjonalinstrumentet kantele i kombinasjon med eldgamal runesong og kveding, har begeistra både kritikarar og publikum nasjonalt og internasjonalt i ei årrekkje. Ho har ei lang rekkje utgjevingar på ECM bak seg, der også element frå jazz og klassisk musikk er sterkt til stades. I seinare år har ho arbeidd mykje med tonesetting av poetar som Hans Børli og Jon Fosse - seinast i hennar siste utgjeving Wind and Sun. 

Per Anders Buen Garnås byrja å spela hardingfele i 6-årsalderen, inspirert av onklane Hauk og Knut Buen. Sidan tenåra har musikken vore ein stor del av levebrødet hans, og han har underhalde, hatt konsertar og turnert i store delar av inn- og utland. Han har vunne Landskappleiken 6 gongar, seinast på Gol i 2024. Han har også fleire CD-utgjevingar bak seg, både som solospelemann og som medverkande musikar. For soloalbuma har han vunne FolkeLarm-prisen to gongar og vore nominert til Spellemann 3 gonger.

Konserten er støtta av Gol spel- og dansarlag.

Baren opnar kl. 1800.

Gjestespel, festivalen som utforskar samspelet mellom ulike kunstartar, blir arrangert for andre gong i låven på Tolleivsgarden 31. juli - 3. august 2025. Dette er ein unik sjanse til å få oppleve kunst i verdsklasse i ein nær og eksklusiv kontekst. Temaet for årets festival er HUSLYD og tek utgangspunkt i biletkunstnar Hanne Borchgrevink sitt album HUS, der ho inviterte nokre av landets fremste utøvarar til å lage musikk til bileta hennar. Vi har invitert eit utval av desse for å gjenskape dette møtet live for publikum. Det blir i tillegg tingingsverk av forfattar Cecilie Løveid, utstilling av Tore Hansen, te-smaking, familiedag og mykje anna. 

Det blir kun lagt ut 30 billettar til kvart arrangement, så bestill i god tid! 
Enkel bar i etterkant av konsertane.

Festivalen er støtta av Norsk kulturråd, Fritt ord og Ål kommune og arrangert i samarbeid med Fryd Scene og Rivjødn.


Prisar: 
300 kr (inkl billettavgift) per dag.
Festivalpass 600 kr (inkl billettavgift) - gir innpass på alle arrangement (med unntak av te-smaking laurdag 2. august som har separat pris).
Te-smaking laurdag 420 kr (inkl billettavgift).
Te-smaking + konserten "Vandring" 650,-