April 1940. Den gryande krigen i Europa virkar fjern for nordmenn, men verdas auge er allereie retta mot Narvik som skipar ut jernmalmen Hitler er avhengig av for å halde det tyske krigsmaskineriet i gang. Natt til 9. april blir Noregs nøytralitet krenka og tyske soldatar går i land. Bykommandanten overgjev Narvik utan kamp, men ikkje alle er viljuge til å leggje ned våpna. Eit kompani på 200 norske soldatar bløffar seg ut av byen og tek opp kampen. Blant soldatane finn me den unge korporalen Gunnar Tofte, som får elddåpen sin i kamp mot dei profesjonelle, tyske alpejegarane i fjella. I Narvik blir Royal Hotell, der kona hans, Ingrid Tofte, jobbar som stuepike og tolk, det nye hovudkvarteret til tyskarane. Frå skyttargrava er det enkelt å vite kven som er venn og kven som er fiende. Frå den sivile sida er biletet meir komplisert...