Maria Haukaas Mittet og Lars Bremnes

Om arrangementet

Viser på veien

Frå januar til mars kunne ein sjå og høyre Maria Haukaas Mittet og Lars Bremnes i TV2 sin mest populære programserie «Hver gang vi møtes», som to av i alt sju medverkande artistar. I musikalske møte mellom Maria, Lars, Sol Heilo, Elisabeth Andreassen, Trine Rein, Tom Mathisen, og Katastrofe, oppsto det magi, nydeleg musikalske opplevingar og gode samtaler.

Med gjensidig beundring for kvarandre som artistar oppstod det tankar om eit musikalsk samarbeid mellom Maria og Lars. Dette vart til ein turné som gjekk gjennom landet frå 28.februar til 12.april for utselde hus. Suksessen held fram, og no kan dei høyrast på over 20 nye konsertstader, deriblant Ål kulturhus.
Maria & Lars møttes på scena gjennom eigne viser og andre songar som har betyr mykje for begge. Konserten blir framført av Maria og Lars saman og kvar for seg, med eit felles band med tre musikarar.
Gitarist og musikalsk leiar: Bernt Rune Stray
Keyboardist og multi-instrumetalist: Stein Austrud
Trommer og multi-instrumetalist: Martin Bremnes

Me kan garantere ei flott konsertoppleving for publikum.

HEILAFTEN, BILLETT INKLUDERT MIDDAG: 

For å gjere kvelden komplett, kan me tilby middagsservering på Kafé Tid før forestillinga. Middagsserveringa startar 2 timar før førestilling, samt at det gjeld utvalde rettar kvar gong.  

Stad: Kafé Tid  

Tid: Middagsservering kl. 17.00  

Meny:

• Skrei med bacon og ertepuré  

• Panna Cotta  

Sjå eigen billettkategori.  

NB! Billett med middag må kjøpast innan torsdag 19. mars kl. 1200

Kort om Maria Haukaas Mittet
Maria Haukaas Mittet er frå Senja og har ein lang bakgrunn som artist. I 2004 debuterte ho som plateartist og det fyrste albumet hennar Breathing selde til gull. Oppfølgjarplata Hold On Be Strong kom i 2008 og selde til gull etter berre tre veker. Tittellåten vart ein internasjonal hit etter femteplassen i den internasjonale Eurovisjon-finalen. I 2011 spelte Maria inn juleplata Lys Imot Mørketida saman med Oslo Gospel Choir, der Maria syng fleire låtar på eigen dialekt. I 2014 gav Maria ut det fyrste norskspråklege albumet HEIM, der ho med stor suksess skreiv eigne viser, og framførte andre sine på eiga dialekt og med grobotn i den nordnorske visetradisjonen. Gjennom songar som «Folk i Husan» (Kari og Ola Bremnes) «Himmel i mella oss» og «Heim» har Maria funne heim til musikken som ligg hjarta nærast. I 2015 stakk ho av med sigeren i TV-programmet «Stjernekamp», nettopp med ei vise frå nord: Gjennom sorga går ei sang (Halvdan Sivertsen). I 2017 og 2018 turnerer Maria også med si eiga konsertforestiling «Jåla fra Lakselvnes», der 12 nordnorske viser blir fletta saman med eigne historier om oppvekst, einsemd og kjærleik.

Kort om Lars Bremnes
Fødd i Svolvær og busett i Harstad sidan 1997. Debuterte med Stjernesukkertøy i 1994. Lars har gjeve ut sju album under eige namn, og to album med syskena Kari og Ola. Lars har fått Spellemannsprisen i 2000 og 2006 og Prøysenprisen i 2009. Lars jobbar no med ny plate og kjem i løpet av hausten ut med singelen «Elias». Mange har late seg røre av songen om flyktningen Elias gjennom ein video på sosiale medier.
I 2015 sleppte Lars albumet Himmel nok tel alle, hans sjuande i rekkja. Tittellåten låg nesten tre månader på A-lista til NRK P1.