Årets unge folkemusikar 2024 og vinnar av IntroFolk, Martin Steinum Brun er folkesongar frå Vågå i Gudbrandsdalen.
I musikken sin leiar han lyttaren med seg inn i folkesongens mange forteljingar, alt frå det absurde og humoristiske til det nakne og personlege. I tillegg til songen nyttar han kraviklyre og bygdeharpe i sitt uttrykk. Han jobbar jamleg med prosjekt innan andre musikktradisjonar, og kan mellom anna vise til samarbeid med ensemble som Det Norske Solistkor og Kringkastingsorkesteret.