Kva er velferdsteknologi og kvifor treng vi det?

Dette foredraget vil ta for seg velferdsteknologi og dei mogelegheiter dette kan gje oss. Velferdsteknologi kan til dømes hjelpe oss med å bu heime lenger. Mehre vil også drøfte om velferdsteknologi vil utfordre pasienttryggleiken og andre sider ved å ta velferdsteknologi i bruk. Ei nasjonal satsing har som hovudmål å fremje bruk av velferdsteknologi i kommunane. Bakgrunnen for dette er dei demografiske endringane i befolkninga med ei kraftig auke i talet på eldre, redusert tal på yrkesaktive og dermed ei utfordring med å skaffe nok helsepersonell. Utviklinga innan teknologi gir nye moglegheiter for å støtte brukarane i deira daglege liv, auke tryggleiken, fremje sjølvstende og redusere behov for omsorgstenester.
 
Kristin Helga Mehre er utdanna sjukepleiar, har i tillegg utdanning i leiing og organisasjonsutvikling. Dei siste 14 åra av yrkeskarriera var ho avdelingsdirektør og divisjonsdirektør i Helsedirektoratet.  Hennar ansvarsområde var m.a. ulike innovasjonsprosjekt i kommunal sektor. No er ho engasjert som konsulent for Pensjonistforbundet med å fremje velferdsteknologi og kurse frivillige seniorar som ynskjer å vere teknologiambassadørar i kommunane.