Dei magiske dyra er attende på kino med eit nytt eventyr! Elevane ved Østre Skole skal framføre ein musikal i samband med 250-årsjubileet til skula. Ida tek entusiastisk på seg rolla som regissør og overtalar Jo til å spele hovudrolla. Dette er med på å bringe dei to venene enda tettare saman, noko rivalen til Ida, Helene, ikkje likar, då ho også likar Jo. Dessverre er ikkje Jo sitt magiske dyr, pingvinen Juri, til mykje hjelp då Helene greier å lokke han over til hennar side for å hjelpe henne med å øydeleggje for forholdet mellom Ida og Jo. Kjem musikalen til å ende i kaos, eller greier klassen å samarbeide? Og kva er det med dei merkelege hola i skulegarden? Ved hjelp av dei magiske dyra lærer barna kva som verkeleg betyr noko; nemleg det å vere saman. SKOLEN MED DE MAGISKE DYRENE 2 er eit hjartevarmt eventyr med animerte dyr, som foregår på ei uvanleg skule der barna er så heldige å ha eit magisk dyr som bestevenn. Filmen, som er ein direkte oppfølgjar til kinosuksessen SKOLEN MED DE MAGISKE DYRENE, er dubba til norsk av profesjonelle og kjende skodespelarar, slik at stemnngen i bøkene på magisk vis er overført til det store lerretet. Magien held fram på kino! NORSKE STEMMER: IDA - Emilie Bondy JO - Sindre Seip ANNA-LENA - Hedda Grjotheim HELENE - Mathea Tofteng BENNI - David L. Helgor SAMMY - Teodor Barsnes-Simonsen FINJA - Ella Bjørlo Hagerup JURI - Scott Maurstad MAX - Felix Bjørlo Hagerup REKTOR - Espen Beranek Holm