Ti år gamle Ronja bur i blokk, men drøymer om ei tømmerhytte i skogen der ulvane ular under stjerneklår himmel. Det er desember og pappa er arbeidsledig att, heilt til han ein dag får jobb som juletreselgar. Endeleg luktar leiligheita granbar og kjøleskåpet er fullt, ei stakka stund. Men av og til vert freistingane for store for pappa, og Ronja og storesystra Melissa må klare seg sjølve. Saman tek dei over jobben som juletreselgjarar, og skal erfare at sjølv om livet kan vere skikkeleg dritt, kan det også på same tid vere skikkeleg fint! «Stargate – en julefortelling» er ei rørande og hjartevarm førjulsforteljing om ein far som gjer sitt beste, men ikkje nok, ei storesyster som prøver å fylle skoa hans, og ei veslesyster som aldri sluttar å drøyme. Det er ein film om venskap, om gode hjelparar og om magien i jula. Ingvild H. Rishøi sin elska roman «Stargate – en julefortelling» vart ein umiddelbar juleklassikar då den kom ut. Sidan har den vorte hylla av anmeldarar og lesarar over heile verda. No har boka endeleg vorte film.